Ավելի քան մեկ տարի Հայաստանում գործում է Էրիքսոնյան քոուչինգի դպրոցի հայաստանյան ներկայացուցչությունը: Այս ընթացքում մի քանի տասնյակ՝ ամենատարբեր մասնագիտություններ ունեցող մարդիկ քոուչինգ են սովորել: Ձեռքբերումների մասին ենք զրուցել Էթրիքսոնյան հայկական դպրոցի հիմնադիր Նանա Հովհաննիսյանի հետ:
-Մեկ տարվա ընթացքում ավելի քան 50 մարդ, ովքեր կայացած են ամենատարբեր ոլորտներում, հնարավորություն ունեցան քոուչինգ սովորել: Եվ քոուչինգ-մշակույթի ներդրումը Հայաստանում իր բնականոն հունով է գնում: Իսկ ի՞նչ աշխատանք է այս ամենի հետևում:
-2020-ի մայիսն էր, լարված ու չափազանց ծանր օր էր այդ պահին ինձ թվում, քանի որ կար անորոշության զգացողություն՝ համավարակով պայմանավորված, և մենք չգիտեինք, թե հաջորդ քայլն ինչ է լինելու, բիզնեսն ընդհանուր առմամբ ինչպես է աշխատելու: Ամեն ինչ անորոշ էր ու մշուշոտ, երբ ես համագործակցության առաջարկ և պայմանագիր ստացա Էրիքսոնի միջազգային դպրոցի կողմից: Այս օրը մայիսի 8-ն էր: Հասկացա, որ ոչինչ պատահական չէ: Եվ ամեն ինչ հնարավոր է՝ չէ՞ որ մայիսի 8-ն է… ու գնացի առաջ: Որոշեցի ոչ մի բանի առաջ չկանգնել, և սկսվեց ինտենսիվ աշխատանքը: Ներգրավեցի իմ բոլոր ծանոթներին, միացան իմ ընկերներն ու գործընկերները ամբողջ աշխարհից՝ միասին զարգացնելու ու քոուչինգը Հայաստանում:
-Ի՞նչ ծրագիր է դասավանդվում:
– Էրիքսոնյան ծրագիրը լավագույն պլատֆորմն է քոուչերի ուսուցման ու զարգացման համար: Ընտրեցի ու ներգրավեցի միջազգային որակավորում ունեցող լավագույն մասնագետների: Մեզ միացավ իմ կոլեգան Քոուչինգի միջազգային ֆեդերացիայից: Հատկանշական է, որ այն մարդիկ, ովքեր միջազգային հարթակներից գալիս են Հայաստան, նշում են, որ այս համագործակցությունն իրենց համար ավելին է, քան պարզապես բիզնես:
-Ի՞նչ ճանապարհ անցաք՝ սկսելով աշխատանքները:
– Պետք է նշել, որ բավական իրարամերժ էին քոուչինգի վերաբերյալ պատկերացումները մեր հասարակությունում: Ու մեր գերխնդիրն էր ներկայացնել հանրությանն ու հետաքրքրվող շրջանակներին, թե ինչ է այն իրականում, ու որքան կնպաստի ամենատարբեր ոլորտների զարգացմանը: Դասական իմաստով թրեյնինգի վաճառք մենք չենք իրականացրել: Պարզապես ուղղել ենք ճիշտ մեսիջներ՝ և այն մարդիկ, ում դա իսկապես պետք էր, եկավ մասնակցելու դասընթացներին: Հետո արդեն շատերը փաստեցին, որ իրենք զարգացման ու կրթության ոլորտներում փնտրում էին հենց սա:
Իսկ այսօր արդեն մեր աշխատանքի իրական արդյունքները երևում են այն հանգամանքով, որ հանրությունը հստակ գիտի, ինչ է քոուչինգը: Իսկ մեր շրջանավարտները հաջողությամբ աշխատում են, ինչպես հայաստանցի, այնպես էլ արտասահմանցի հաճախորդների հետ:
-Փաստորեն քոուչինգ կարող են սովորել բոլորը, ընդ որում՝ այլ բնագավառներում կայացած մասնագետներ:
-Ես՝ որպես ուսուցման ու զարգացման ոլորտում 20 տարի փորձ ունեցող մասնագետ՝ ամբողջ աշխարհում, վստահ կարող եմ ասել, որ քոուչինգ սովորելով մասնագետը ստանում է մի քանի արդյունք: Նա սովորում է այն տեխնիկաները, որոնք հզորագույն մեթոդներ են՝ մանրակրկիտ ձևով մշակված, տարիներ շարունակ հղկված լավագույն մասնագետների կողմից: Սովորեցվում են մեթոդներ և տեխնիկաներ, որոնք հնարավոր է կիրառել առօրյա կյանքում, բիզնեսում, աշխատանքի մեջ: Այս գործիքակազմը բազմապատկում է գործընթացների արդյունավետությունը, և ըստ իս՝ լավագույն մոտեցումն է Executive education-ում:
Վստահություն ձեռք բերելու, հստակեցնելու, լսելու կարողունակությունները, որոնք զարգանում են դասընթացին հաջորդող պրակտիկ աշխատանքներում, հստակ արդյունավետություն են հաղորդում: Պետք է նշել, որ այս ընթացքում սովորողները հմտանում են զույգերով, եռյակներով, մենթորի հետ աշխատելով:
-Ի՞նչ պլաններ ունի դպրոցը առաջիկայում:
-Մենք անընդհատ զարգանում ու կատարելագործվում ենք: Չափազանց կարևոր եմ համարում հանրության ու մասնագիտական խմբերի հետ աշխատանքները, որպեսզի մարդիկ դիտարկեն, թե որքան կարող է քոուչինգն օգնել ամենատարբեր գործընթացներում:
Մեր թիմն անում է ամեն ինչ՝ ապահովելու հարմարավետ դասախոսություններ, որպեսզի յուրաքանչյուր մասնակից դասընթացի օրերին պարզապես կենտրոնանա բովանդակության ուղղությամբ:
Մենք ներդրել ենք և շուտով կգործի ասիստենտների դպրոցը: Քոուչ-ասիստենտի ներկայությունը չափազանց կարևոր է դասընթացի ժամանակ: Մեծ նշանակություն ունեն նրանց հմտությունները:
Ինչպես նշեցի՝ սովորողները որոշակի ժամանակ տեսական դասերից բացի պրակտիկ քոուիչնգ իրական սեսիաներ են անում՝ միմյանց հետ: Այս սեսիաները սղագրվում են և քննարկվում՝ մենթորների ներկայությամբ: Եվ որպեսզի այս գործընթացը ևս պրոֆեսիոնալ կերպ իրականացվի, նախատեսել ենք թրեյնինգ կազմակերպել նաև տրանսկրիբանտների համար:
Առջևում նոր դասընթցներ են, որին կարող են մասնակցել բոլոր ցանկացողները, ովքեր ուզում են իրենց գործունեությունում նոր նշաձող սահմանել: