«ՄԻԱՍԻՆ» ՀԿ-ն ԵՊԲՀ նախաավարտական կուրսի ուսանողների մասնակցությամբ շարունակում է «Նախաբժշկական օգնություն» դասընթացի իրականացումը երիտասարդների շրջանում:
Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ նոյեմբերի 13-ին հերթական դասընթացը տեղի ունեցավ Թեմի երիտասարդաց միությունների անդամների հետ:
Դասընթացը մեկնարկեց Տերունական աղոթքով: ԱՀԹ Երիտասարդաց միությունների համակարգող և Սուրբ Սարգիս առաջնորդանիստ եկեղեցու հոգևոր հովիվ Տեր Պետրոս ավագ քահանա Մալյանն իր օրհնության խոսքում կարևորեց նման նախաձեռնությունների իրականացումը հատկապես մեր օրերում՝ ընդգծելով այսօրինակ միջոցառումների շարունակական լինելը:
«ՄԻԱՍԻՆ» ՀԿ-ի նախագահ Գևորգ Չիչյանը դասընթացի ավարտին շնորհակալագիր հանձնեց ԱՀԹ-ին ՝ համագործակցության և ջերմ հյուրընկալության համար:
