Արցախյան մշակույթի պահպանմանը նվիրված հեռուստամարաթոն ‹‹Փրկենք՝ վաղվա համար›› խորագրով

2023 թվականի սեպտեմբերի 19-ին Ադրբեջանի կողմից Արցախի Հանրապետության դեմ սանձազերծած ռազմական գործողությունների  հետևանքով ստեղծված իրավիճակում, Արցախից բռնի տեղահանված բնակչությանը կենտրոնացված կարգով մշակութային միջոցառումների, նախաձեռնությունների շուրջ համախմբելու, օկուպացված շրջանների բնակչության միջև ներհամայնքային կապերի, ներմշակութային հաղորդակցության, տարիների ընթացքում  ստեղծված մշակութային արտադրանքի պահպանման, ինչպես նաև արցախյան մշակույթի պահպանությանն ու հանրահռչակմանն ուղղված միջոցառումների կազմակերպման և արտաքին մշակութային քաղաքականության մեջ արցախյան մշակույթի նպատակաուղղված ներկայացման, Արցախյան հիմնախնդիրն ակտիվ պահելու նպատակով նախաձեռնվել և ստեղծվել է ‹‹Արցախյան մշակույթի պահպանման կենտրոն›› հասարակական կազմակերպությունը:

Ինչպես «Միասինին» հայտնում են կազմակերպությունից, հիմնական խնդիրն է՝ պահպանել պատմական բարդ ու դժվար ժամանակներում ստեղծված և տասնամյակների պատմություն ունեցող Արցախի պետական մշակութային կազմակերպությունները:

‹‹Արցախյան մշակույթի պահպանման կենտրոն›› հասարակական կազմակերպության շուրջ համախմբվել են բոլոր պետական մշակութային կազմակերպությունները, որոնց հետագա գործունեության ապահովման խնդիրը  միաժամանակյա լուծելու  նպատակով  նախաձեռնվել է իրականացնել հեռուստամարաթոն։ Այն հնարավորություն կտա արցախյան մշակույթի պահպանմամբ մտահոգ մարդկանց իրենց ներդրումն ունենալ այս կարևոր գործում: Հանգանակությունը պետք է նպատակաուղղվի Արցախի մշակութային կազմակերպությունների պահպանմանը, նրանց գործունեության ապահովմանը, արցախյան մշակույթի տարածմանն ու հանրահռչակմանը:

Վերոնշյալ ծրագրերը բաղկացած են նաև ենթածրագրերից, որոնք կիրականացվեն հեռուստամարաթոնից ստացված ֆինանսական միջոցներով: Դրանք ուղղված են՝ արցախահայության մշակութային իրավունքների իրացմանը, թշնամու վերահսկողության տակ անցած տարածքներում մնացած մշակութային հուշարձանների վերաբերյալ ցուցահանդեսների կազմակերպմանը, զեկույցների պատրաստմանը, արցախյան բարբառով հեքիաթների մշակմանը, բեմադրմանը, թվայնացմանն ու հեռարձակմանը, սահմանամերձ շրջաններում կրթամշակութային միջոցառումների իրականացմանը, արցախյան ոչ նյութական մշակութային ժառանգության պահպանությանը: Նշված ծրագրի իրականացման արդյունքում  Արցախից բռնի տեղահանված մշակույթի ոլորտի թվով 500 աշխատողներ կապահովվեն աշխատանքով, կլուծվի նրանց զբաղվածության հարցը, իսկ  իրենց ընտանիքի անդամները, համայնքը, հազարավոր արվեստասերներ կդառնան ծրագրի անուղղակի շահառուներ:

‹‹Փրկենք՝ վաղվա համար›› խորագրով հեռուստամարաթոնի մեկնարկը տրվել է սույն թվականի փետրվարի 20-ին: Հենց այդ օրն է համարվում մեր ազգային համախմբման, հանուն համազգային նպատակների մեր միասնականության խորհրդանիշը, ինչի կարիքն այսօր, առավել քան երբևէ, ունենք։ Մարաթոնի արդյունքներն ամփոփվելու են ապրիլի 20-ին՝ ուղիղ եթերում:

Փետրվարի 20-ից ապրիլի 20-նն ընկած ժամանակահատվածում պարբերաբար նկարահանվելու են տեղեկատվական հոլովակներ, որոնք կպատմեն ներդրում կատարած կազմակերպությունների, հիմնադրամների և գործարարների մասին:

Նախաձեռնությանը այս փուլում արդեն իսկ իրենց աջակցությունն են հայտնել Հայ առաքելական եկեղեցին, Մեծի Տանն Կիլիկիո Կաթողիկոսությունը,  մի շարք բարեգործական հիմնադրամներ, կազմակերպություններ և պարզապես մշակույթով մտահոգ անհատներ:

Տեսաուղերձներով հեռուստամարաթոնին են միացել և իրենց աջակցությունը հայտնել մշակույթի և սպորտի ոլորտների մի շարք ներկայացուցիչներ, հասարակական-քաղաքական գործիչներ (Հայաստանի վաստակավոր արտիստ Արսեն Գրիգորյանը, ծանրամարտի աշխարհի չեմպիոն Նազիկ Ավդալյանը, լրագրող և մեկնաբան Արտյոմ Երկանյանը, կոմպոզիտոր Ռոբերտ Ամիրխանյանը, Հայաստանի Հանրապետության վաստակավոր արտիստ Արա Գևորգյանը և այլք):

‹‹Արցախյան մշակույթի պահպանման կենտրոն››  հասարակական կազմակերպության կողմից հայտարարված ‹‹Փրկենք՝ վաղվա համար›› համահայկական հեռուստամարաթոնը նվիրված է  Արցախի մշակութային խմբերի գործունեության շարունակականության ապահովմանը և Արցախից դուրս Արցախի մշակույթի պահպանմանն ու հանրահռչակմանը։ Հեռուստամարաթոնի արդյունքները կամփոփվեն ապրիլի 20-ին, ժամը՝ 9:00–14։00-ն ուղիղ եթերում, որը կհեռարձակվի «Կենտրոն», «5-րդ ալիք», «Շողակաթ» հեռուստաընկերություններով։ Հանգանակությանը կարող եք մասնակցել ինչպես այսօր, այնպես էլ ուղիղ եթերի ընթացքում՝ գումարն ուղարկելով այդ նպատակով բացված հաշվեհամարներից որեւէ մեկին՝

‹‹ԱԿԲԱ ԲԱՆԿ›› ԲԲԸ հաշվեհամարներով.

☰𝐀𝐌𝐃 𝟐𝟐𝟎𝟓𝟓𝟑𝟑𝟓𝟏𝟕𝟎𝟓𝟎𝟎𝟎

☰𝐔𝐒𝐃 𝟐𝟐𝟎𝟓𝟓𝟑𝟑𝟓𝟎𝟕𝟓𝟔𝟎𝟎𝟏 / 𝐒𝐰𝐢𝐟𝐭 (𝐁𝐈𝐂): 𝐀𝐆𝐂𝐀𝐀𝐌𝟐𝟐 /

☰𝐄𝐔𝐑 𝟐𝟐𝟎𝟓𝟓𝟑𝟑𝟓𝟎𝟔𝟐𝟒𝟎𝟎𝟐 / 𝐒𝐰𝐢𝐟𝐭 (𝐁𝐈𝐂): 𝐀𝐆𝐂𝐀𝐀𝐌𝟐𝟐 /

☰𝐑𝐔𝐑 𝟐𝟐𝟎𝟓𝟓𝟑𝟑𝟓𝟎𝟑𝟎𝟏𝟗𝟓𝟖 / 𝐒𝐰𝐢𝐟𝐭 (𝐁𝐈𝐂): 𝐀𝐆𝐂𝐀𝐀𝐌𝟐𝟐 /

Նաև՝ Ռեարմենիա հարթակի միջոցով՝ այցելելով reArmenia.com և մուտք գործելով ‹‹Փրկենք` վաղվա համար›› էջը:

Կարող եք նաև հանգանակություն անել  Easy pay տերմինալների միջոցով:

Մեկ այլ տարբերակը՝ կարճ հաղորդագրությունն է: Պարզապես ուղարկեք 8000